сабота, 16. јануари 2021. Вести денес: 37
home Скопје

ФОТО: „Кршете ги рачките на контејнерите“- Град Скопје со реакција

ФОТО: „Кршете ги рачките на контејнерите“- Град Скопје со реакција

Во текот на вчерашниот ден, на еден од новите контејнери е залепен лист со содржина во која се повикуваат граѓаните да ги оштетуваат контејнерите, односно рачките за да се овозможи непречен пристап на мачките до отпадоците.

-Уништувањето на контејнерите е казниво по закон. Град Скопје потсетува дека новиот концепт за третман на комуналниот отпад и хигиената на јавните површини што почна да се спроведува во градот е во интерес на сите негови жители и целта е да се подобри животната средина. Новите контејнери коишто се опремени со капаци се набавени токму за да ја спречат можноста отпадоците да им бидат достапни на мачките и на кучињата, коишто ги расфрлаа околу нив. Исто така, капакот треба да го спречи и ширењето на непријатната миризба од отпадот и да се избегне грдата слика со преполни контејнери, велат од Град Скопје и потенцираат:

„Градот Скопје апелира до граѓаните да ги чуваат и правилно да ги користат овие контејнери коишто се со највисок технолошки стандард, бидејќи тоа е во интерес на сите жители на нашето Скопје“.

Коронавирус