вторник, 20. ноември 2018. Вести денес: 126
home Скопје

Целосна обнова на осветлувањето во населба Лисиче

Целосна обнова на осветлувањето во населба Лисиче

Општина Аеродром деновиве почна целосна реконструкција на јавното осветлување во населбата Лисиче.

Во рамки на активностите се заменуваат старите со нови метални столбови за јавно осветлување, кои сега се наоѓаат во дворните места на куќите во населбата.

Освен замената со нови, столбовите кои со години се наоѓаат во приватните дворови, ќе бидат поставени на јавна површина, односно на тротоарите.

Станува збор за 265 столбови и околу 330 нови светилки, за што општината издвои шест милиони денари.

Исто така, континуирано се врши тековно одржување на осветлувањето на целата територија на Општината, а во текот на оваа година е планирано и за првпат целосно осветлување на трговскиот центар во населбата Лисиче.