четврток, 14. ноември 2019. Вести денес: 162
home Скопје

Булеварот „Крсте Мисирков“ денеска затворен за сообраќај

Булеварот „Крсте Мисирков“ денеска затворен за сообраќај

Булеварот „Крсте Мисирков“, од клучката Бит-пазар до крстосницата со булеварот „Гоце Делчев“ кон центар (страната кај Бит-пазар), денеска ќе биде затворен за сообраќај, соопшти Град Скопје.

Комплетниот автобуски и моторен сообраќај ќе се одвива преку клучката Бит-пазар, булеварот „Александар Македонски“, улицата „Беласица“ и булеварот „Гоце Делчев“.

Денеска ќе се врши и асфалтирање со завршен слој на булеварот „Кочо Рацин“, од раскрсницата со булеварот „Кузман Јосифовски Питу“ до раскрсницата со улицата „Свети Кирил и Методиј“ кон центарот на градот. Поради тоа, оваа коловозна лента ќе биде затворена за сообраќај 24 часа. Автобускиот превоз ќе биде пренасочен кон булеварите „Крсте Мисирков“, „Гоце Делчев“ и „Филип втори македонски“.

Градот Скопје апелира граѓаните да го почитуваат воведениот привремен сообраќаен режим и поставената патна сигнализација, како и да ја прилагодат брзината на движење на условите на патот.