петок, 15. октомври 2021. Вести денес: 203
home Скопје

Арсовска најави тужба за клевета: Повеќе од очигледен е стравот на СДСМ и Петре Шилегов

Арсовска најави тужба за клевета: Повеќе од очигледен е стравот на СДСМ и Петре Шилегов

Кандидатот за градоначалник на Скопје, Данела Арсовска испрати реакција на прес-конференцијата на СДСМ.

Реакцијата ја пренесуваме во продолжение: 

Згрозена сум од конструкциите што ги пласира СДСМ. Не само што информациите изнесени на прес конференцијата не се точни, туку безобразна политичка конструкција. Поради тоа ќе поднесам тужба за клевета до Дарко Каевски од СДСМ кој ги изнесе овие невистини. Јас не сум политичар, зад мене не стои политичка партија да ме брани, затоа ќе се бранам по институционален пат. Доколку би имала каква било дамка лично и професионално немаше да се впуштам во битката за градоначалник спроти политичари кои освен црна кампања не можат да сработат ништо друго и очекувам дека ќе напаѓаат.

Јас ниту имам фирма на мое име, ниту имам долг по основ на неплатена сметка за електрична енергија. Веќе 7 години со својот ангажман сум претседател на Сојузот на стопански комори на Македонија и со години не сум активна во ниту една фирма.

Повеќе од очигледен е стравот на СДСМ и Петре Шилегов дека нивното време во град Скопје завршува и дека сите злоупотреби на градот ќе бидат отворени и предмет на ревизија.

Коронавирус