недела, 22. јули 2018. Вести денес: 60
home Општини

Во Кавадарци 42. Средба на цивилни инвалиди од Втората светска војна

Во Кавадарци 42. Средба на цивилни инвалиди од Втората светска војна

Традиционална средба на цивилните инвалиди, жртви на фашистичката агресија и Втората светска војна, по 42. пат се одржа денеска во Кавадарци. Присутните се потсетија на страдањата од минатото, за кои посакаат да не се повторат.

– Во тоа време настрадало голем број од цивилното население. И после војната многу деца настрадале од повоен експлозивен материјал. Сето тоа сакаме да биде одбележано за да не се заборави. Во 1971 година имаше 1.200 цивилни инвалиди од војната. Тој број сега е намален. Ние сме како живи споменици кои ги потсетуваме и предупредуваме државите, да нема војни и да има траен мир, рече Душан Нешевски, претседател на Националниот сојуз на цивилни инвалиди од војната.

Во рамки на средбата, беше посетен и Споменикот на 12-те стрелани младинци во кавадаречкото село Ваташа.

Пред присутните гости од цела Мкедонија, културно уметничка програма изведоа ученици од Основното училиште „Гоце Делчев” и Фолклорниот ансамбл „Тиквеш”, кој работи при Домот на културата „Иван Мазов-Климе” од Кавадарци.