сабота, 5. декември 2020. Вести денес: 81
home Општини

„Вистината за ДУИ“: Фармацевт предавал математика, инженер држел часови по англиски во Гостивар

„Вистината за ДУИ“: Фармацевт предавал математика, инженер држел часови по англиски во Гостивар

Тема на денешната прес-конференција во рамките на кампањата „Вистината за ДУИ” беше образованието, односно лошото раководење во Средното општинско техничкото училиште „Гостивар” за време на мандатот 2013-2017.

-Иако има многу злоупотреби во ова средно училиште, денес ќе ве информираме само за неколку од нив. Дипломиран фармацевт бил ангажиран со полн 20-часовен фонд за математички предмети. Инженер по архитектурата бил ангажиран по предметот англиски јазик, а она што е најинтересно, дипломиран кадар во бизнисот бил ангажиран 4 часа за екстерно тестирање, 2 часа за фотокопирање и 2 часа за „Фејсбук“, информираше портпаролот на општина Гостивар, Јасин Демири.

Тој, како доказ, даде на увид фотокопии од решенијата за засновање работен однос за наведените случаи на непочитување на законските нормативи.

-Ангажирањето на овие кадри е направено само поради тоа што тие се партиски активисти и послушници на нивниот патрон, истакна Демири.

Министерството за образование и наука неодамна му ги одзеде надлежностите на градоначалникот на Гостивар, Арбен Таравари, во делот за именување и разрешување директори.

Коронавирус