среда, 29. јануари 2020. Вести денес: 139
home Општини

Санкционирани 1.563 сообраќајни прекршоци во ноември во тетовско

Санкционирани 1.563 сообраќајни прекршоци во ноември во тетовско

Во текот на ноември оваа година, полициски службеници на Секторот за внатрешни работи Тетово, на поширокото тетовско подрачје, вкупно откриле и соодветно санкционирале 1563 сообраќајни прекршоци.
Поради откриени различни видови прекршоци, а согласно Законот за безбедност на сообраќaјот на патиштата и Законот за возила, од сообраќај било исклучено 181 возило.

-Најмногу од исклучените возила ( 122 ) имале истечена регистрација до и над 30 дена, кај 45 утврдена е техничка неисправност, претежно на сопирачките и уредите за управување и кај 14 претовар. Во овој период, исто така, од сообраќај се исклучени и 364 возачи, од кои 195 кои управувале без возачка дозвола, 8 со несоодветна категорија, 14 со важечка забрана, 73 возачи-почетници и 74 „алкохолизирани“ возачи, информира портпаролот на СВР Тетово, Марјан Јосифоски.

Минатомесечните сообраќајни прекршоци биле заокружени со 634 прекршочни и 577 мандатни плaтни налози, како и со 347 писмени опомени. Во ноември годинава, времено биле одземени 145 возачки и 117 сообраќајни дозволи, а тетовската „пајак-служба“ вкупно подигнала 336 непрописно, односно погрешно паркирани возила.

Најнови вести