среда, 12. декември 2018. Вести денес: 162
home Општини

Ништо од ветувањата: Штипјани ќе чекаат на новата Клиничка Болница уште најмалку две години

Ништо од ветувањата: Штипјани ќе чекаат на новата Клиничка Болница уште најмалку две години

Проектот Клиничка болница во Штип и натаму е заглавен. Не се работи ништо, а нема ниту информации кога и како ќе продолжи изведбата, анализира Алфа. Градежните активности се стопирани откако компанијата Бетон од Штип која е и подизведувач на проектот се соочува со финансиски проблеми, но и е дел од истрагата Империја на СЈО. Носител на проектот е Грчка компанија, а власта допрва ќе бара начин како да се надмине проблемот.

Според планот првата фаза од изградбата веке требаше да биде готова. Власта сега најавува нов динамичен план според кој болницата би требало да биде готова до средината на 2020 година.

Темелите на овој капитален проект кој според проценките треба да чини 30 милиони евра беа удрени во март 2016 година.