петок, 26. ноември 2021. Вести денес: 152
home Општини

Институционализирање на квалитетни сервиси за жени жртви на семејно насилство во Прилеп

Институционализирање на квалитетни сервиси за жени жртви на семејно насилство во Прилеп

Градоначалникот на општина Прилеп, Борче Јовчески и претседателот на Советот, Дејан Проданоски денеска во хотелот „Кристал Палас“ присуствуваа на работилницата  на која беа презентирани наодите, заклучоците и препораките за унапредување на системот на заштита и реинтеграција на жени жртви на семејно насилство во Прилеп.

Работилницата е во рамките на  проектот „Институционализирање на квалитетни  сервиси за жени жртви на семејно насилство“, финансиран од Националната мрежа против насилство на жените и семејно насилство, поддржан  од Австриската агенција за развој (АДА), а во организација на ЖГИ „Клеа“ од Битола.

На работната средба на која меѓу другото беа презентирани обврските  на Локалната Самоуправа согласно новиот Закон за превенција и заштита на жртвите од семејно насилство присуствуваа и претставници од Центарот за социјални работи, Агенцијата за вработување, претставници од Советот на Општината и од редот на вработените како и претставници од граѓанскиот сектор.

Целта на проектот е идентификување на клучните предизвици, специфичните карактеристики и потреби со кои се соочуваат жените жртви на семејно насилство откако ја донеле одлуката да го напуштат сторителот, но се уште не го сториле тоа, или пак веќе го напуштиле. На работната средба беше истакнато дека преку прибраните податоци ќе се идентификуваат специфичните карактеристики на оваа таргет група и ќе се проценат потребите за институционална помош и поддршка.

Националната мрежа против насилство врз жени и семејно насилство продолжува интензивно да работи на воспоставување на услуги за реинтеграција на жени жртви на насилство и семејно насилство на локално ниво.

Коронавирус