Општина Кавадарци во заедничка акција со Јавното претпријатие „Комуналец“ почна со хортикултурно уредување на жардинерите во центарот на градот. Вработените денеска работеа на расчистување на жардинерата пред поранешната „Стоковна куќа“.
-Во оваа акција, со која ќе бидат опфатени зелените површини пред седумкатницата, кругот околлу јаворот и сите жардинерии од БИД зоната по улицата „Илинденска“, ќе биде извршено темелно расчистување и обработка на земјата, информира општина Кавадарци.
Потоа ќе следи нивно хортикултурно уредување со нови тревници, како и садење на нискостеблести растенија. Со овој зафат општината ќе го подобри градското зеленило и ќе ги разубави жардинерите со цел подигање на стандардите на живеење на граѓаните.
