петок, 14. јануари 2022. Вести денес: 30
home Општини

Гевгеличани изминатата година прочитале 20.000 книги

Гевгеличани изминатата година прочитале 20.000 книги

Седум стотини членови на градската библиотека „Гоце Делчев“ во Гевгелија минатата година прочитале околу 20.000 книги што, според библиотекарите, е помалку од порано, но сепак претставува бројка за почитување.

– Имаме читатели кои годишно читаат и по сто и повеќе книги од богатиот фонд на библиотеката, но доколку направиме просек, според нашата евиденција, излегува дека секој член годишно чита околу 30 книги и така доаѓаме до бројката од 20.000 прочитани книги во текот на една година, велат библиотекарите.

Книжниот фонд на библиотеката нуди 60.000 монографски публикации, референтна литература, вкоричени дневни весници и списанија, ракописи, документи, албуми и видео материјали.

Според статистиката на библиотеката, изминатата година гевгеличани најмногу читале белетристика на љубовна тема, трилери и авантуристички романи од познати писатели, а учениците најмногу биле посветени на читање лектири.

Коронавирус