вторник, 26. јануари 2021. Вести денес: 98
home Општини

Дебата за подигање на јавната свест против дивите депонии во Кочани

Дебата за подигање на јавната свест против дивите депонии во Кочани

Дивите депонии и непланското и неселектирано исфрлање на отпадот беше тема на јавната дебата што денеска се одржа во Кочани, а чиј организатор беше невладината организација „Зелен институт“ од Скопје.

Претставниците од граѓанските здруженија, од локалната самоправа и граѓани имаа можност да дадат свои предлози и идеи за изнаоѓање решенија за проблемот со отпадот и дивите депонии на територијата на општината.

Во рамки на расправата беа претставени резултатите од спроведените анкети во неколку градови во државата, при што оценка е оти во Кочани состојбата е нешто подобра во споредба со останатите.

– Она што го утврдивме е дека постои повисоко ниво на јавна свест за спречување на создавање диви депонии, како и поголемо задоволство од динамиката на собирање на отпадот и поставеноста на контејнерите. Од искажаните ставови на дебатата во Кочани заклучивме дека честото расчистување на дивите депонии од страна на комуналното претпријатие, кај граѓаните создава впечаток за нивно легализирање, поради што продолжува нелегалното исфрлање на отпадот. Беше даден предлог овие локации да се оплеменат со парковско зеленило, а во тоа да се вклучи и локалното население, истакна Наташа Амдиу, претседател на НВО „Зелен институт“.

Заклучок од дебатата во Кочани е оти треба активно да се работи на подигање на јавната свест за хигиената и зачувување на животната средина, посебно меѓу младите генерации, а за што најголемо влијание треба да имаат семејствата.

Покрај Кочани, во проектот „План за комуникација и кампања против диво депонирање отпад“ се вклучени Делчево и скопските општини Кисела Вода и Ѓорче Петров, а поддршка за неговата релизација е добиена и од Министерството за животна средина и просторно планирање.

(Миа)

Коронавирус