четврток, 13. декември 2018. Вести денес: 69
home Општини

Апел за „Лето без пожари“ во струмичко

Апел за „Лето без пожари“ во струмичко

Со мото „Лето без пожари“ СВР Струмица, заедно со Регионалниот центар за управуање со кризи, Дирекцијата за заштита и спасување, ЈП „Македонски шуми“ и Територијалните противпожарни единици, апелираа до граѓаните на зголемена будност и внимателност од предизвикување пожари во претстојниот период, соопштија денес од струмичката полиција.

-Внимателност при движење во шумите, како и при движење на отворени простори заради превенција од пожари, предизвикување на општа опасност и загрозување на животот, здравјето и имотот на граѓаните, да не се фрлат догорчиња и отпушоци на отворен простор, да не се пали оган на отворено, стрништа, плевел и отпадоци со што заедно ќе придонесеме за зачувување на шумите и истите да ги оставиме во наследство на идните генерации, стои во сооштението.

Доколку забележат пожар граѓаните веднаш да пријават на бесплатните телефонски броеви 193 , 195 и 192.

(Миа)