Во акција за озеленување на јавните површини во Кавадарци, се озеленуваат две големи локации од околу пет и четири илјади квадратни метри.
Директорот на кавадаречкото Јавно претпријатие „Комуналец”, Ѓорѓи Поп Ицов информираше за МИА дека целта е преку дополнителното зеленило во градот, да се влијае естетски и хортикултурно, но и еколошки.
– Во моментов активно се работи на терен на улицата „Страшо Пинџур”, позади таканаречените „Силекс” згради. Активности се изведуваат и во новиот центар на Кавадарци, позади зградите викани “лепотици”. Се посадуваат трева и садници од декоративни високорастечки дрвца, појасни Поп Ицов.
Нагласи дека акцијата за озеленување на градот ќе продолжи и на други локации.
МИА
