сабота, 26. септември 2020. Вести денес: 64
home Вести

Зошто Ковачки е трн во око на СДСМ- Светската пракса покажува дека професионалците се најдобри министри во безбедносниот сектор

Зошто Ковачки е трн во око на СДСМ- Светската пракса покажува дека професионалците се најдобри министри во безбедносниот сектор

Откако во јавноста излезе името на полковникот Драган Ковачки, како предлог на ВМРО-ДПМНЕ за технички министер за внатрешни работи, од владејачката партија се појавија коментари дека според Уставот, Ковачки, како воено лице, не може да биде министер.

Што вели светската пракса?

Во светски рамки има многу примери на успешни министри, можеби и најуспешни во своите влади, а кои доаѓаат од безбедносниот сектор. Во некои држави е и пракса да луѓето кои ги водат министерствата за внатрешни работи и одбрана доаѓаат од безбедносните структури. Според статистиката безбедносните структури работат многу поефикасно и нема злоупотреба ако ги водат луѓе, професионалви кои доаѓаат од тој сектор.

Во продолжение неколку успешни примери на министри кои ги водселе безбедносните ресори, а доаѓаат од тие структури:

Кој е Драган Ковачки професионалец со маркантна биографија, школуван во САД, човек кој е трн во око на СДСМ

Драган Ковачки е ново лице во политиката што преставува своевидно изненадување. Се работи за човек професионалец од сферата на безбедносните политики.

Тој доаѓа од АРМ и е со чин полковник, а претходно има поминато низ сите скалила. Учесник во повеќе мировни мисии на НАТО силите и е одликуван со ордени и заслуги за државата.

Има завршено повеќе високи школи и обуки во Сад и Европа. Има завршено на Кралски колеџ за одбранбени студии во Велика Британија, Командно-штабна академија во Р. Хрватска и Воена Академија во Р. Македонија.

Има успешно завршено обуки во Велика Британија за стратегиско лидерство и контраразузнавање, во САД за стратегиско разузнавање и анализа, како и обуки за борба против тероризмот. Бил дел и од обуките на НАТО алијансата па има успешно завршено обуки за команданти на НАТО, НАТО обука во Германија, НАТО обука за офицери во Шведска, и повеќе други во Турција, Бугарија и други земји.

Има поминато низ повеќе скалила во АРМ, како што се специјалните сили и другите сектори. Бил командант на 1. механизирана пешадиска бригада , началник на секција за операции и борбена готовност во 1. механизирна пешадиска бригада, раководител на Сектор-Служба за воена безбедност и разузнавање во МО, началник на одделение за контраразузнавање во воената служба за безбедност и разузнавање, офицер за разузнавање и вршител на должност началник на секција за безбедност и разузнавање во полкот за специјални операции, офицер за специјални операции и за разузнавање во мисија Слобода за Ирак-1, Командир на противтерористички тим во 6. одред и други функции.

Одликуван е со признанија за својата работа како што се: Плакета на АРМ за учество во мисија „Слобода за Ирак-1“ , Пофалница за остварени резултати во процесот на борбена обука и воспитување, медал на командно-штабната школа во Р. Хрватска. Родител е на две деца, и е од Скопје.

Коронавирус