четврток, 14. ноември 2019. Вести денес: 0
home Вести

ЗОК со воена свеченост ќе го одбележи денот на единицата

ЗОК со воена свеченост ќе го одбележи денот на единицата

Во касарната „Боро Менков“ во Куманово, денеска Здружената оперативна команда (ЗОК), со воена свеченост ќе го одбележи денот на единицата.

Најавено е присуство на претседателот на Република Северна Македонија и врховен командант на вооружените сили, Стево Пендаровски, министерката за одбрана, Радмила Шекеринска, началникот на Генералштабот на Армијата, генерал-потполковник Васко Ѓурчиновски, генералите во Армијата, поранешни команданти на оваа команда, претставници од министерството за одбрана и Генералштабот, поранешни команданти на ЗОК, претставници од локалната самоуправа, воени аташеи акредитирани во Република Северна Македонија и други гости.

По повод Денот на единицата пред присутните ќе се обрати командантот на ЗОК, генерал-мајор Павле Арсоски.

За ден на ЗОК е определен 17 октомври, како спомен на одбележување на значајните историски настани врз кои се темелат традициите во Армијата, кога во 1887 година во селото Кресна е формиран штабот на македонското-кресненско востание кој е воедно и ден кога е кренато востанието.