среда, 25. ноември 2020. Вести денес: 25
home Вести

Знае дека губи, па бега од дебата: Се плаши ли Заев од втор ТВ дуел со Мицкоски?

По убедливата победа на Христијан Мицкоски во дуелот со Зоран Заев пред една недела, екс-премиерот одби втора дебата со лидерот на ВМРО-ДПМНЕ. Се плаши ли лидерот на СДСМ од втор ТВ дуел?
Знае дека губи, па бега од дебата: Се плаши ли Заев од втор ТВ дуел со Мицкоски?

-Не ја прифаќаме дебатата на Алфа телевизија, порача вчера категорично Заев на прес конференција.

По ова, коментарите во јавноста се дека поранешниот премиер бега од дебата, бидејќи знае дека губи.

Инаку, пред точно една недела на Канал 5, лидерите на СДСМ и на ВМРО-ДПМНЕ го имаат првото предизборно соочување во „Дуел за вистината“.

Иако на почетокот екс-премиерот Заев избегнуваше дуел со лидерот на ВМРО-ДПМНЕ Мицкоски, на крај под притисок на јавноста собра храброст да се соочи со него.

Во емисијата се отворија голем број на прашања од кои меѓу најактуелните беа токму скандалите кои што се случија изминатиот период од страна на владата на СДСМ, реформите во правосудството, законот за Јавно обвинителство, македонската економија, се до надворешните односи на државата.

Во однос на правосудството, Мицкоски порача дека Заев го управувал судството како и дека одредени обвинители и судии се први соработници на Заев, а тоа го потврдиле и снимките кои што излегле во јавноста.

-Одредени обвинители и судии се први соработници на Зоран Заев и тоа јасно се докажа во аудио материјалите кои пред неколку дена излегоа во јавноста. Зоран Заев е човекот кој напразно пробува да користи празни флоскули од типот на некаков режим, поради тоа што тој самиот користи најголеми привилегии и придобивки од периодот на владеење на минатата влада предводена од ВМРО-ДПМНЕ, рече Мицкоски.

Во делот на обвинувањата на Заев за финансирањето на ВМРО-ДПМНЕ, Мицкоски докажа дека Заев лаже и дека финансирањето на партијата ВМРО-ДПМНЕ е чисто покажувајќи и извештај од Државниот завод за ревизија.

-Далеку од тоа дека Камчев е финансиер на партијата како што велите вие. Брат ви се среќава со него, рече Мицкоски покажувајќи му го на Заев извештајот од Заводот за ревизија.

Мицкоски му рече на Заев – „Знаев дека ќе манипулирате со јавноста, затоа го донесов извештајот, тој покажува дека лажете“.

Во делот на економијата, Мицкоски кажа дека со владата на Заев долгот на државата е зголемен за 830 милиони евра. Долгот на државата во мандатот на Зоран Зев е зголемен за точно 830 милиони евра или 757 илјади секој ден, или 31 илјада секој час додека седиме ние додека дебатираме, нагласи тој. Во делот на капиталните инвестиции Мицкоски потенцираше дека има ниска реализација на капиталните инвестиции, потенцирајќи дека од предвидените 20 милиони евра се реалзирани само 6.5 милиони евра, прашувајќи каде завршија останатите 13.5 милиони евра.

-Каква е реалноста, најновите податоци од јануари месец ќе видите дека капиталните трошоци изнесуваат точно 397 милиони денари, тоа се капиталне трошоци кои што државата вложувала нели како што вели гради, се грижи за младите и тоа е 1,67% од планираното за 2020 година, што е 6,5 милиони евра. Од друга страна дефицитот тоа е онаа бројка која што отсликува повеќе потрошено отколку прибрано во буџетот е еднаков на 6,98% , затоа што и буџетот се полни со 7% од она што било планирано за 2020 година. Тоа значи дека 1 милијарда и 213 милиони денари, односно 20 милиони евра, а за капитални инвестиции од нив се потрошени точно 6,5 милиони. Прашањето е каде завршија останатите 13,5“ праша Мицкоски.

Според Мицкоски, Заев ќе остане запаметен како човек кој што го продал идеалот на сопствената нација и сопствената држава.

-Моја должност како лидер на опозицијата, како граѓанин на ова држава е да навлезам во секој договор кој што може утре-задутре и јас да бидам тој кој што ќе има импликации позитивни или негативни. Јас сум должен да ви кажам и да ви укажам на предавството како што тогаш ве гледав во клубот на пратеници и ви велев: „Зоране немој Илинденска затоа што ова е првиот чекор кон нешто многу полошо, ќе прифатиш еднаш промена на Устав и потоа нема крај, нема назад. Што ме убедувавте? Не, ова е тоа, ако ова не биде, друго не прифаќам, додаде Мицкоски.

На крајот, Мицкоски го потсети Заев на сите заборавени ветувања кои што ги дал пред граѓаните, а не ги остварил. За тоа дека Мицкоски бил подобар во ТВ Дуелот покажува и самото траење на емисијата, како и коментарите на социјалните мрежи твитер и фејсбук.

За овој ТВ дуел ќе се зборува уште долго, е повеќе од јасно бидејќи лидерот на ВМРО-ДПМНЕ Мицкоски на самиот крај од емисијата му подари паричник Луј Витон како знак на скандалот која што ја тресеше владата во случајот Рекет, каде што се рекетираа бизнисмени и се изнесуваа милиони евра во Луј Витон торба.

И анкетите на социјалните мрежи покажаа дека Мицкоски бил подобар во тв дуелот со Заев.

Во продолжение дел од анкетите:

Покрај тоа што се плаши од ТВ дуел, Заев се плаши и од низата афери за кои се уште нема одговор.

Познавачите на состојбите го сместуваат Заев на врвот на пирамидата криминали во Македонија.

Неговото име се поврзува со голем број на криминалци во земјава, па така човекот кој ветуваше правда во нашата земја ги донесе најголемите неправди кои на македонскиот народ му се имаат случено.

Најинтересно е што истиот неодамна и го предводеше Маршот за правда на СДСМ. Заев, за постетување, е три пати амнестиран- за случаите „Глобал“, за „Пуч“ и за „Поткуп.“

Свесен дека кога- тогаш доказите ќе излезат на виделина, екс премиерот си најде начин како да се спаси себеси и да ја заобиколи правдата. На насилен начин се донесе Закон за јавно обвинителство кое ќе биде скроено по негова мерка. За да собере 80 гласови потребни за двотретинско мнозинство Заев прифати сè. Но, не само за да им се додвори на пратениците од други партии, туку очебијно и да се заштити себеси и своите најблиски соработници.

Последен од случаите кои најмногу ја разбранува македонската јавност е „Рекет“ во кој се потенцираше вмешаност на Заев, како и на други високи партиски членови.

Дека владее криминал во првите „борбени“ редови кај Заев е јасно, но тоа што народот го интересира е дали за тој криминал некој ќе одговара.

Едно е сигурно, а тоа е дека додека СДСМ се на власт правна разврска нема да видиме. Правниците се согласни дека има индици дека актуелните функционери се вмешани во случаи кои треба да влезат во суд. Случаи за кои треба да има пресуди и случаи за кои некој ќе мора да одговара. Но за да видиме правна разврска, експертите согласни дека нешто сериозно ќе мора да се смени во државата, т.е. да се смени власта.

Коронавирус