сабота, 23. февруари 2019. Вести денес: 1
home Вести

Зиков: Прв пат ми се случува 11 часа да имам судење за некој случај, ова е голем притисок за обвинетите и одбраната

Зиков: Прв пат ми се случува 11 часа да имам судење за некој случај, ова е голем притисок за обвинетите и одбраната

Поранешниот премиер Никола Груевски од утрово е во судница. Рочиштето за „Тенк“ денес  почна од 09:30 часот и заврши во 21.30 часот.

Ваква маратонска седница од 11 часа досега немало во судската пракса, вели адвокатот на Груевски кој го окарактеризира случајот како голем преседан и притисок врз обвинетите.

-После 11 часа главна расправа еве сега во 21 часот и 30 минути завршуваме и морам да ви кажам дека јас дека после долга обвинителска и адвокатска кариера од осум години прв пат ми се случува да 11 часа имам судење за предмет кој што не е ниту притворски, ниту има некој посебен интерес за него, ниту било каква опасност за одлагање на предметот. Сметам дека ова е преседан и голем притисок на одбраната и обвинетите за да се извршуваат квалитетно својата работа, вели адвокатот Штерјо Зиков.

Груевски кој сега е пратеник на ВМРО-ДПМНЕ, нема да присуствува во парламентот на седницата за доверба на владата.

-Утре во 10:30 часот пак ќе има рочиште. Не го прифатија барањето на Груевски да присуствува во Собрание на седницата за интерпелација на Влада, рече тој.