вторник, 2. март 2021. Вести денес: 171
home Вести

Забрана за движење на товарни возила на патот Маврово-Дебар, снежни врнежи на повеќе места

Забрана за движење на товарни возила на патот Маврово-Дебар, снежни врнежи на повеќе места

Поради интензивни врнежи од снег од 23:10 ч. е воведена забрана за движење на тешки товарни возила на патниот правец крак Маврово – Дебар.

ДГТ ЖИКОЛ ДООЕЛ Струмица известува дека поради рехабилитација на мост број 3 на регионалниот пат P1103, делница Лакавица-Неготино, почнувајќи од 01.02.2021 година се забранува движење на сите видови на возила, односно целосно ќе се затвори сообраќајот на овој патен правец со времетраење од 5 (пет) месеци.

Сообраќајот на државните патишта се одвива по претежно влажни коловози.Врнежи од снег се бележат на Попова Шапка, во Маврово и на планинскиот превој Стража. Дожд врне во Mакедонски Брод, Дебар, Кичево и на планинските превои Буково и Пресека.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и за излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Најнови вести

Коронавирус