вторник, 3. август 2021. Вести денес: 86
home Вести

Водство од 1,7 отсто пред СДСМ: Според анкетите на наредните избори ВМРО-ДПМНЕ ќе победи

Водство од 1,7 отсто пред СДСМ: Според анкетите на наредните избори ВМРО-ДПМНЕ ќе победи

На наредните избори 15,2 отсто од испитаниците од истражувањето на МКД.мк спроведено од агенцијата Маркет вижн рекле дека би гласале за ВМРО-ДПМНЕ, a 13,5 отсто за СДСМ. Од политичките партии на Албанците во Македонија, ДУИ и натаму е во водство – 6,8 %, Алијанса за Албанците 3,4%, а за Беса би гласале 1,9 отсто од испитаниците.

Истражувањето е спроведено од 18 до 23 јуни на репрезентативен примерок од 1.200 испитаници.

Ако се споредат резултатите од одговорите на прашањето за испитаниците за тоа за која партија гласале на минатите избори (СДСМ 18,2%, ВМРО-ДПМНЕ 15,1%, ДУИ 10,2%, АА 3,3 %…), тогаш очигледно е разочарувањето на гласачите од партиите што се дел од владејачката коалиција.

Најголем раст покажува опозициската партија Левица, но и стагнација во однос на последните истражувања на јавното мислење (5,3%).

Од испитаниците што одговориле дека нема да гласаат на следните избори, речиси 60% се согласуваат со изјавата дека не се задоволни од Владата и дека немаат доверба во опозицијата, при што како главна причина се наведува тоа што сметаат дека опозицијата ја интересира само да дојде до власт (одговор што го дале 24,1% од нив).

Според националната припадност на оние што одговориле дека ќе гласаат на наредните избори, кај Македонците за ВМРО-ДПМНЕ би гласале 14,7 отсто од испитаниците, а за СДСМ -10,9 отсто. Се намалува поддршката на СДСМ кај албанското гласачко тело – пред една година беше 0,6%, а денес е 0,1 отсто.

Од регионите, ВМРО-ДПМНЕ е популарна партија во источниот регион во споредба со СДСМ – 20%:8,9%, а СДСМ подобро стои во пелагонискиот регион 15,7%:12%. Популарноста на Левица е висока во источниот и југоисточниот регион на Македонија – 13,3% и 7,2%.

Се зголемува и заинтересираноста на гласачите за излегување на гласање – 66,5%, а со „не“ и „не знам“ одговориле 31% од гласачите. Одбиле да одговорат на ова прашање 2,5 отсто од испитаниците.

Анкетирањето беше спроведено во периодот од 18 јуни до 23 јуни со употреба на CATI метода – телефонско анкетирање со помош на компјутер, на примерок од 1.200 испитаници (статистичка грешка: +-3%; интервал на доверба: 95%). Примерокот е репрезентативен на ниво на Македонија според: регион, пол и возраст во однос на проценките за населението од Државниот завод за статистика од 2019 година.

Коронавирус