понеделник, 30. ноември 2020. Вести денес: 155
home Вести

Во среда ќе се знае дали сите базени и природни езера се исправни за капење

Во среда ќе се знае дали сите базени и природни езера се исправни за капење

По забраната за капење во дел од Охридското езеро на потегот од Самоиловата трврдина кон одморалиштето Партизан поради присуство на бактерии и фекалии, Државниот санитарен и здравствен инспекторат деновиве врши вонредна контрола на сите површински води и базени кои се користат за спорт и рекреација.

-Наложено е сите инспектори да направат контрола на сите површински и води во објекти, што значи доколку не се земале мостри за испитување ќе им се даде налог да однесат мостри за испитување во Центрите за јавно здравје и по добвиените резултати ќе спроведеме соодветни санкции, изјави д-р Ирина Сотирова Бухова, директор на ДСЗИ.

Не само квалитетот на водата при вонредниот надзор инспекторите од ДСЗИ ја проверуваат хигиената и сите простории кои се дел од објектот во кој има базен.

-Вонредниот инспекциски надзор содржи комплетна контрола од санитарно хигиенски аспект, гардероба, тоалети односно се што поседува објектот во кој има базен, додаде д-р Бухова.

Дали овој период базените во земјава и водата во трите природни езера е безбедна за капење ќе се знае најдоцна до среда до кога треба да бидат готови сите микробиолошки и хемиски анализи во Центрите за јавно здравје. Испитувањата пред сезоната покажаа дека генерално водата во охридското, преспанското и дојранското езеро е со добар квалитет.

ИЗВОР: СИТЕЛ

Коронавирус