понеделник, 25. јануари 2021. Вести денес: 179
home Вести

Во Собранието јавна расправа за спроведување на Законот за локална самоуправа

Во Собранието јавна расправа за спроведување на Законот за локална самоуправа

Собраниската Комисија за локална самоуправа денеска организира јавна расправа на тема „Спроведување на Законот за локална самоуправа во однос на работата на комисиите за односи меѓу заедниците на локално ниво (членови 41 и 55), на која е предвидено обраќање на претседателот на Собранието, Талат Џафери.

Во Собранието за денеска се најавени седници и на комисиите за надворешни работи, за труд и социјална политика и за образование, наука и спорт. Пред членовите на Комисијата за надворешни работи е Извештајот за спроведувањето на надворешната политика на ресорниот министер Никола Димитров, а пред Комисијата за труд Предлог-законот за материјално обезбедување на невработените лица поради приватизацијата на претпријатијата со доминантна сопственост на државата, во второ читање.

На дневен ред на Комисијата за образование, наука и спорт се предлог-законите за изменување на Законот за основање Технолошко-технички факултет, Ветеринарен факултет и Правен факултет во состав на Универзитетот „Св. Климент Охридски“ во Битола, и на Законот за основање државен универзитет „Гоце Делчев“ во Штип, двата по скратена постапка во второ читање, по предлог на две групи пратеници.

Коронавирус