петок, 26. ноември 2021. Вести денес: 152
home Вести

Во недела на овие две избирачки места во Шуто Оризари и Дебар ќе има прегласување – Уставниот суд гo поништи гласањето

Во недела на овие две избирачки места во Шуто Оризари и Дебар ќе има прегласување – Уставниот суд гo поништи гласањето
МИА

Тужбите на Алијансата на Албанците и Алтернатива за Дебар и на движењето Одлучно за промени за Шуто Оризари се прифатени од Управниот суд, што значи дека во недела во овие две општини ќе има прегласување за првиот круг на по едно избирачко место.

Во општина Дебар, поништени се резултатите за избирачкото место бр.0543 за гласањето за членови на општински совет и градоначалник. На ова изборно место има вкупно 777 гласачи, при што на изборите на 17 октомври за кандидатот Беким Поцеста од Алијанса за Албанците/Алтернатива гласале 271 лица, додека за кандидатот Хекуран Дука од ДУИ гласале 195 лица, а 2 гласа освоил Петрит Клења од ДПА.

Ваквиот распоред на гласовите значи дека најпрво на ова изборно место на 31 октомври ќе треба да се одржи прв круг од изборите, односно на ова гласачко место може да се определи победникот на изборите. Инаку, на првиот круг во Дебар кандидатот на Алијанса за Албанците/Алтернатива освои 49,69 отсто од гласовите, и за само неколку гласа не победи во првиот круг.

Во Шуто Оризари, Управниот суд ги поништи изборните резултати за изборното место 2957/1, на кое се впишани вкупно 655 гласачи во Избирачкиот список, по жалбата на Движењето Одлучно за промени. За разлика од Дебар, од Државната изборна комисија (ДИК) треба да одлучат дали ќе се прегласува на ова изборно место, односно дали прегласувањето ќе влијае на изборниот резултат од 17 октомври.

Коронавирус