понеделник, 21. јуни 2021. Вести денес: 62
home Вести

Во Македонија нема ниту една вакцина, а над 37.000 граѓани се пријавиле за вакцинирање 

Во Македонија нема ниту една вакцина, а над 37.000 граѓани се пријавиле за вакцинирање 

Вкупно 37 300 граѓани досега се пријавиле преку онлајн аликацијата за вакцинирање против Ковид-19, информираа за МИА од Министерството за здравство.

Веб страницата беше пуштена во функција завчера, а на неа може да се пријави секој граѓанин со тоа што системот ќе биде тој кој ќе генерира кои граѓани ќе бидат приоритетни.

Освен на овој начин, пријавувањето за вакцинирање ќе може да се врши и преку матичните лекари преку системот „Мој термин“.

Надлежните институции утврдија како ќе се одвива процесот на вакцинација. Во првата група се здравствените работници и лицата над 70 години.

Првите 8000 вакцини од компанијата „Фајзер“ кои ни ги отстапи Србија се очекува да пристигнат следните денови, а кон средина на месецов се очекуваат и 200 илјади вакцини од кинеската „Синофарм“. Во земјава треба да пристигнат и дополнителни дози од „Фајзер“ кои се обезбедени од директните преговори со компанијата, како и дози преку Ковакс системот.

Сепак, засега, во Македонија нема ниту една вакцина против коронавирус.

ЕУРО 2020

Македонија