сабота, 28. март 2020. Вести денес: 93
Актуелна тема

Од минута во минута за ситуацијата со коронавирусот во Македонија и светот

home Вести

Во декември 40,6 илјади туристи ја посетиле земјава, најмногу во Скопје

Во декември 40,6 илјади туристи ја посетиле земјава, најмногу во Скопје

Над 40 илјади странски туристи ја посетиле земјава во последниот месец од минатата година. Најпривлечни биле Скопје каде од вкупниот број 40.627 престојувале 19.290, и езерските места каде престојувале 11.969 странски туристи. Најбројни меѓу странските туристи биле од Бугарија 7483, Грција 5651, Србија 4368, Турција 3154 и Косово 2237. 

Податоците на Државниот завод за статистика, покажуваат дека бројот на вкупниот број на туристи во декември 2019 година изнесува 61 468, а бројот на ноќевањата изнесува 119 412.

Бројот на туристите во декември 2019 година, во однос на декември 2018 година, е зголемен за 8,7 отсто, а бројот на ноќевањата е зголемен за 4,8 отсто.

Бројот на домашните туристи во декември 2019 година, во однос на декември 2018 година, е зголемен за 1,7 отсто, а бројот на странските туристи е зголемен за 12,6 отсто.

Бројот на ноќевањата на домашните туристи во декември 2019 година, во однос на декември 2018 година, е зголемен за 0,4 отсто, а бројот на ноќевањата на странските туристи е зголемен за 7,8 отсто.

Во периодот јануари – декември 2019 година, во однос на истиот период од претходната година, вкупниот број на туристите е зголемен за 5,1 отсто, и тоа: кај домашните туристи има зголемување за 1,9 отсто, а кај странските има зголемување за 7,1 отсто.

Во периодот јануари – декември 2019 година, во однос на истиот период од претходната година, вкупниот број на ноќевањата е зголемен за 2,7 отсто, и тоа: бројот на ноќевањата на домашните туристи остана на исто ниво, а кај странските има зголемување за 5,8 отсто.