сабота, 24. октомври 2020. Вести денес: 62
home Вести

ВМРО-ДПМНЕ: Заев ја губи битката со епидемијата, а граѓаните губат здравје и животи

ВМРО-ДПМНЕ: Заев ја губи битката со епидемијата, а граѓаните губат здравје и животи

Епидемијата од корона вирус за едно деноноќие однесе уште еден живот, а 87 наши сограѓани се ново заразени, се вели во соопштението на ВМРО-ДПМНЕ.

Од партијата истакнуваат дека само од почетокот на јуни во Македонија има 1.016 нови заразени и 24 починати, а на Заев и Филипче приоритет им се брзи избори наместо здравјето и животите на граѓаните.

-За да ја спасат политичката кариера на Заев и да избегнат катастрофален пораз подготвени се и покрај вакви бројки да прогласат најнова нормалност. Тоа само покажува дека Заев ја губи битката со епидемијата, а граѓаните за жал поради неговата неодговорност губат здравје и животи. Македонија е на 103-то место во светот според справувањето со корона епидемијата. Над половина од граѓаните сметаат дека владата лошо се справува со кризата, споредено со регионот. Македонија е земја рекордер на Балканот по заболени и починати на еден милион жители. Ова се поразителните факти и бројки кои Заев и СДСМ не сакаат да ги видат. Тие тераат кампањи, создадоа дури и кластер во самата партија од заразени, ги изложуваат на ризик здравјето и животите на луѓето, само и само да ги остварат своите тесно партиски интереси, се маведува во соопштението.

ВМРО-ДПМНЕ е различно од СДСМ. Македонија прво треба да ја победи епидемијата со корона, а потоа ќе ја победи на избори епидемијата од неспособност, сиромаштија, криминал и корупција која ја донесе тригодишниот хибриден режим на Заев.

Коронавирус