вторник, 29. септември 2020. Вести денес: 159
home Вести

ВМРО-ДПМНЕ: Заев и Димитров го навредија и потценија македонскиот народ, Договорот е капитулантски

ВМРО-ДПМНЕ: Заев и Димитров го навредија и потценија македонскиот народ, Договорот е капитулантски

Промената на името, Уставот, идентитетот, јазикот и откажувањето од се што е македонско само за СДСМ е добра вест. Само Зоран Заев и Никола Димитров сметаат дека промена на името , идентитетот, Уставот и јазикот на Македонија е храброст и успех, додека граѓаните сметаат дека тоа е кулавичлук и срам, стои во реакцијата на ВМРО-ДПМНЕ на соопштението на СДСМ и додаваат:

„Заев донесе црнила за граѓаните на Македонија. Заев и Димитров го навредија и потценија македонскиот народ. Договорот е капитулантски, со него се откажуваме со сите Македонци и од се што е македонско и токму затоа за ВМРО-ДПМНЕ овој договор ниту е, ниту ќе биде прифатлив. Овој договор е директен удар на темелите на државноста и го поткопува уставниот поредок на Република Македонија.“

Од партијата потенцираат дека цела јавност виде како Зоран Заев од опозиција се колне во сопствените деца и предци дека нема да прифати промена на уставното име, а сега од позиција на власт Зоран Заев без срам го промени неговиот став и прави непроценлива и неповратна штета.

„Заев не се бори за европските вредности, напротив тој и неговиот криминален картел на власт се борат за наместените тендери, корупцијата и криминалот кој царува.Токму затоа Зоран Заев наместо декларативно и лажно да се залага за ЕУ, треба веднаш да си замине од власт пред штетата која и ја нанесува на Македонија да биде ненадоместлива.“

-Оваа криминална власт ја уништува Македонија. Граѓаните заслужуваат да живеат подобро. За Македонија да оди напред СДСМ мора да замине час поскоро, се подвлекува во реакцијата на ВМРО-ДПМНЕ.

Коронавирус