среда, 8. февруари 2023. Вести денес: 0
АКТУЕЛНО

Расте бројот на загинати во Турција и Сирија, спасувачите во трка со времето

home Вести

ВМРО-ДПМНЕ: Специјалецот на Заев за криминал Зоки Кичеец прво рекетираше, а вчера уби луѓе

ВМРО-ДПМНЕ: Специјалецот на Заев за криминал Зоки Кичеец прво рекетираше, а вчера уби луѓе

Власта се обиде да прикрива информации за тешката сообраќајка на патниот правец Скопје – Охрид во која учествувал Зоран Милевски Кичеец. Друго објаснување нема, кога на лице место се видени вработени во 6-та управа, а има информации дека е вршен притисок врз сведоци на настанот, медиуми и новинари да не изнесуваат информации за сообраќајката, се вели во партиското соопштение на опозициската ВМРО-ДПМНЕ.

-Причината е јасна, Кичеец наместо во затвор слободно се шета по патиштата низ Македонија, а сега гледаме дека учествувал во трагична сообраќајна несреќа со двајца загинати и неколку повредени. Зоран Милевски Кичеец е осуден за мега скандалот „Рекет“, но изгледа е привилегиран од власта на Заев штом е уште на слобода и хара низ државата. Очигледно омилениот специјалец на Заев за криминал Зоран Милевски Кичеец кој рекетираше милиони беше толериран и му се дозволуваше да аздисува, за вчера да убие луѓе во сообраќајна несреќа. Кој ќе понесе одговорност за овој скандал? Кој дозволи криминалец наместо во затвор да хара по патиштата во Македонија? Судот, МВР, владата на Заев се всушност во спрега со криминалот. Тие ги штитат криминалците, им дозволуваат слободно да шетаат, а кога ќе се случи нешто како синоќешната сообраќајка дури и се обидуваат да ги прикријат и заштитат, истакнуваат од опозициската партија.

Всушност Заев и неговата власт се олицетворение на криминалот во Македонија и додека се тие нема да има правда во Македонија и граѓаните ќе страдаат, додаваат од таму.