четврток, 26. ноември 2020. Вести денес: 181
home Вести

ВМРО-ДПМНЕ: СДСМ потроши 7 милијарди евра од буџетот, а ниту денар од тоа не даде за аерозагадувањето, сега безобразно бара донации од бизнис заедницата

ВМРО-ДПМНЕ: СДСМ потроши 7 милијарди евра од буџетот, а ниту денар од тоа не даде за аерозагадувањето, сега безобразно бара донации од бизнис заедницата

Скопје тоне во загаден воздух. Нивото на канцерогени ПМ10 честички е неколкукратно над дозволеното, а власта две години ништо не презема, ниту една мерка или проект не беше спроведен од оваа власт, ниту денар не е одвоен од буџетите во износ од скоро 7 милијарди евра, стои во денешната реакција на ВМРО-ДПМНЕ.

-Скоро 7 милијарди евра од буџетот на државата за две години се потрошени, на се и сешто, само за намалување на загадувањето не. Власта се луксузира и купува скапи  автомобили, дава 1.6 милиони евра за набавка на лубриканти, над 700 илјади евра за цвеќиња и кафе, илјадници евра на морски плодови и апетисани, а ниту денар за почист воздух. Срамота и крајно безобразие е во услови кога се трошат милиони на непотребни работи и луксузи преку донаторски конференции да се собираат пари за аерозагадувањето. Даночните обврзници од кои бараат донации веќе преку плаќањето на даноци го дале својот допринес во буџетот, од кој треба да се издвојуваат пари за аерозагадувањето, а не тие пари да се трошат расипнички, за потоа однова да се бара пари од бизнис заедницата во вид на донации. Власта која ја зацрни државата не знае  да менаџира со буџетот, парите од истиот ги троши несразмерно и нецелисходно. Власта троши пари за се, само за проекти за здравјето и доброто на граѓаните не. Власта е целосно неспособна и затоа мора да си замине. Мора да ставиме крај на црнилото, потенцираат од партијата.

ВМРО-ДПМНЕ ги повикува сите граѓани кои сакаат што побргу да заврши оваа мрачна епизода наречена СДСМ да ни се приклулат на протестниот марш во среда во Скопје, со почеток од 17 часот од плоштад ВМРО до владата на Република Македонија.

Коронавирус