недела, 25. октомври 2020. Вести денес: 97
home Вести

ВМРО-ДПМНЕ: Рашковски е копија на Заев, негов ученик во корупцијата и криминалот- затоа го штити и не го менува

ВМРО-ДПМНЕ: Рашковски е копија на Заев, негов ученик во корупцијата и криминалот- затоа го штити и не го менува

Провизии во една правна држава не смее да се договараат ниту во четири очи како што целата јавност виде дека Заев практикува во случајот „евро за Вице”. Во секоја држава членка на ЕУ функционерот-криминалец би завршил во затвор, а не да добие амнестија, како што Заев беше ослободен од македонскиот суд, велат од ВМРО-ДПМНЕ.

-Изјавата на Заев „Да се зборува за провизии на состанок каде биле осум души апсолутно е далеку од која било нормална свест“ само докажува дека човекот е научен да бара поткуп во друг формат од начинот на кој што делува неговиот генерален секретар. Рашковски е копија на Заев. Негов ученик во корупцијата и криминалот. Затоа Заев го штити и не го менува. Заев е тој што дал овластување однапред да се каже кој ќе победи и да се чека „награда”, стои во партиското соопштение и се додава:

„Јавното обвинителство треба да се охрабри и согласно закон да поведе постапка против Рашковски и да побара притвор за истиот, како тој нема да може да избега, да го повтори делото, ниту пак да влијае врз сведоци. Недозволиво е Јавното обвинителство да молчи за случај каде постои сомнеж за криминал за кој е предвидена казна затвор од над пет години. Одговорност мора да има“.

Коронавирус