вторник, 22. јуни 2021. Вести денес: 91
home Вести

ВМРО-ДПМНЕ: Неспособните градоначалници на власта не можат да исчистат снег, не пак да решаваат проблеми

ВМРО-ДПМНЕ: Неспособните градоначалници на власта не можат да исчистат снег, не пак да решаваат проблеми

Целосната неспособност на оваа власт се виде изминативе 24 часа, затрупани  автопати, булевари и улици со снег, ова денеска преку соопштение до јавноста го истакнаа од ВМРО-ДПМНЕ.

-Да не беше трагично ќе беше смешно, среде зима во февруари месец локалната власт, но јавното претпријатие „Македонија пат“ ги изненади снегот. Парализирани беа магистралните, регионалните патишта, а најмногу споредните улици низ градовите. Немаше ниту кој да ги исчисти пешачките патеки и тротоарите. Сообраќајни несреќи заради нерасчистените улици и булевари беа сведок за незаинтересираност на најнеработливите градоначалници, како во Скопје така и низ цела Македонија. Вчера сведочеа илјадници слики по социјалните мрежи за заглавени возила низ цела Македонија. Пред само два дена јавноста го слушна министерот Бочварски како се фалеше дека спремни ќе ги дочекаат овие лоши временски услови. Само фалби и глумење пред јавноста, а работа нула, велат од партијата.

Додаваат дека скопскиот татко Шилегов фрли над милион евра за ниту еден булевар низ главниот град да не биде исчистен, да не зборуваме за споредните улици, каде што скопјани беа приморани сами да си го чистат снегот за да стасаат до својот дом.

-Овој хибриден режим не знае за работа во служба на граѓаните, тие знаат само за наместени тендери, криминал и корупција. Овие криминални и најнеспособни градоначалници граѓаните ќе ги казнат на следните локални избори, а оваа изгубена власт во своите лаги ќе биде испратена во заборав на минатото на наредните предвремени парламентарни избори, стои во нивното соопштение до јавноста.

ЕУРО 2020

Македонија