вторник, 26. октомври 2021. Вести денес: 28
home Вести

ВМРО-ДПМНЕ ја осудува злоупотребата на деца во политичка кампања од страна на Шилегов и СДСМ

ВМРО-ДПМНЕ ја осудува злоупотребата на деца во политичка кампања од страна на Шилегов и СДСМ

Ја осудуваме злоупотребата на деца во политичка кампања од страна на Шилегов и СДСМ. Петре Шилегов избезумен од слабиот рејтинг кој го има почна да злоупотребува и деца во кампања, велат од ВМРО-ДПМНЕ.

„Во текот на вчерашниот ден Шилегов се пофали дека исцртал патеки низ Градски парк, па не знаејќи како да го доближи тоа до народот и да добие симпатии за оваа работа која е редовна надлежност на претпријатијата во градот злоупотреби деца кои организирано се сликани од страна на неговите професионални фотографи.

Шилегов треба да каже дали за ова ги користеше училиштата во град Скопје и зошто децата наместо на настава се злоупотребуваат за партиска кампања?

Истовремено ги повикуваме и здруженијата за заштита на децата да го осудат ова однесување на Шилегов, кое претставува организирана злоупотреба на деца во партиски цели.

Апелираме ваквата пракса од страна на СДСМ да запре, и децата да се остават на страна од политиката. Тоа што тие губат нема да го покријат со ништо,  но не смее да малтретираат деца да се местат во кадар за сликање“ – порачуваат од партијата.

Локални избори 2021