сабота, 16. јануари 2021. Вести денес: 110
home Вести

ВМРО-ДПМНЕ: Додека граѓаните осиромашуваат, Заев и Анѓушев криминално ја претвораат државата во сопствена фирма

ВМРО-ДПМНЕ: Додека граѓаните осиромашуваат, Заев и Анѓушев криминално ја претвораат државата во сопствена фирма

Од ВМРО-ДПМНЕ велат дека Република Македонија е на колена. Од опозициската партија во соопштение пишуваат дека насилство, убиства, уцени, криминал, се само дел од црниот баланс кој го спроведува криминалниот картел на Заев и СДСМ.

-Заев доби конкуренција во криминалот наречен Кочо Анѓушев. Заев и Анѓушев ја претвораат државата во сопствена фирма, додека граѓаните осиромашуваат. Додека граѓаните се вознемирени од изјавите каде што постојано се менуваат ставовите на Зоран Заев дали ќе биде распишан референдум и дали тој ќе биде задолжителен или консултативен, Заев како од ракав дели 10 милиони евра на фирми на Анѓушев, Локвенец и други сопартијци и послушници, претставувајќи ги како иноватори. Граѓаните гледаат дека додека економијата доживува вистински крах, стопанството e пред банкрот, додека се намалува просечната плата, се бркаат странските инвеститори, семејните бизниси на Кочо Анѓушев и Зоран Заев цветaат и тоа со сесрдна помош на институциите под нивна контрола, се вели во партиското соопштение на ВМРО-ДПМНЕ.

Од ВМРО-ДПМНЕ велат дека овој скандал е огромен, дека ова е сериозен сомнеж за злоупотреба на позицијата за богатење.

-Заев го гази достоинство на сите граѓани во Република Македонија. Со штетниот договор со кој се негира македонската нација, народ, култура, јазик и историја, Заев ја гази демократијата, кршејќи ги законите, процедурите и Уставот на Република Македонија целосно исклучувајќи ја опозицијата и оневозможувајќи дијалог и демократска расправа во Собранието. Граѓаните заслужуваат власт која вистински ќе се води по европските принципи за почитување на Уставот и законите, особено за важни прашања поврзани со носење на одлуки за иднината на државата како што се македонските интеграции во Европската унија и НАТО, се вели во партиското соопштение.

Коронавирус