вторник, 10. декември 2019. Вести денес: 165
home Вести

ВМРО-ДПМНЕ: Доаѓа крајот на владеењето на криминалната банда на чело со измамникот Заев

ВМРО-ДПМНЕ: Доаѓа крајот на владеењето на криминалната банда на чело со измамникот Заев

Доаѓа крајот на владеењето на криминалната банда на чело со измамникот Зоран Заев. Се ближи крајот на погубните политики на политичари без визија и план, политичари за кои најважен е личниот бенефит, банда која на коцка ја стави иднината на сопствената држава, соопштуваат од ВМРО-ДПМНЕ.

Од партијата нагласуваат дека македонскиот граѓанин има развиено политичка култура за да го прочита предизборниот поткуп пресликан во буџетот на Република Македонија за 2020-та година.

-Предизборниот период е период кога „блескаат“ лагите на Зоран Заев, но за среќа повеќе никој не му верува на измамникот, кој и носи само порази и понижувања на сопствената држава и народ. Она што ВМРО-ДПМНЕ го нуди е нова парадигма, морален кодекс кој ќе ја смени политиката во Македонија. Нема повеќе на македонската политичка сцена да има политичари кои истовремено се „просечни бизнисмени“. Нема да има ниту вечни политичари и функционери. Квалитетот ќе биде пресуден за кадровската политика. Доаѓа време кога мерит системот конечно ќе профункционира во нашата држава, се наведува во партиското соопштение.

Од ВМРО-ДПМНЕ додаваат дека Законот нема повеќе да биде само парче хартија, а правната држава ќе биде основа на нашето општество. Владата на ВМРО-ДПМНЕ избрана од народот ќе работи за народот и ќе биде достапна во секое време за граѓаните.

-Граѓаните ќе го испратат Заев во политичка пензија и ќе стават крај на неговата тажна политичка кариера. Граѓанинот ќе избере обнова, наместо заевизам и ќе стави крај на деспотизмот. Следува обнова за Република Македонија, велат од ВМРО-ДПМНЕ.