недела, 13. јуни 2021. Вести денес: 74
home Вести

ВМРО-ДПМНЕ: Дали пасоши од „Мафија“ имаат и луѓе вклучени во нарко картелот од „Планина“ и зошто уште не се поништени?

ВМРО-ДПМНЕ: Дали пасоши од „Мафија“ имаат и луѓе вклучени во нарко картелот од „Планина“ и зошто уште не се поништени?

Оливер Спасовски и Зоран Заев ја ставаат на коцка кредибилноста на државата и македонскиот пасош, валат во партиското соопоштение од ВМРО-ДПМНЕ.

Спасовски и Заев издадоа пасоши на светски нарко босови од типот на Јован Вукотиќ и Седат Пекер, и на терористи кои одат на боиштата на Блискиот Исток, и ја загрозија не само стабилноста на Македонија, туку и на целиот регион, и се уште не ги поништуваат пасошите.

Како е можно да бидат се уште важечки издадените пасоши од случајот „Мафија“? Како е можно да тече судски процес за издадени пасоши, а тие се уште да бидат во употреба?, прашуват од ВМРО-ДПМНЕ.

Спасовски и Заев свесно овозможуваат на стотина нарко босови, убијци и терористи да се шетаат низ светот и да извршуваат убиства, да шверцуваат дрога, да прават терористички напади и други разни криминали.

Не е прашањето до кога овие пасоши ќе бидат важечки, туку зошто веднаш не се поништени. Кој ќе преземе одговорност за евентуалните дела кои што се случиле или ќе се случат како последица на поседувањето на македонски пасош од страна на овие криминалци?

Спасовски и Заев да одговорат и дали пасоши од „Мафија“ имаат и лица поврзани со акцијата „Планина“? Кои дела се направени, и кој се е оштетен?

Секој поминат ден без да се укинат овие пасоши е срам за Македонија, ја нарушува нејзината безбедност, но и безбедноста на целиот регион и пошироко, се вели во соопштението на ВМРО-ДПМНЕ.

ЕУРО 2020

Македонија