сабота, 24. октомври 2020. Вести денес: 80
home Вести

ВМРО-ДПМНЕ: Цароска сака да ја контролира Комисијата за заштита од дискриминација

ВМРО-ДПМНЕ: Цароска сака да ја контролира Комисијата за заштита од дискриминација

Министерката Мила Цароска сака да ја партизира и контролира Комисијата за заштита од дискриминација. Новиот закон за Спречување и заштита од дискриминација содржи козметички промени, кои можат да се донесат со Измена и дополнување на законот, што ќе значи континуитет на досегашниот, кој е во потполност усогласен со меѓународните стандарди. Всушност во својот извештај за Македонија ЕКРИ телото на Советот на Европа, препорачува измени и дополнување на законот, а не донесување на нов закон, велат од ВМРО-ДПМНЕ.

-Венецијанската комисија, во своето мислење препорачува да не се менува сегашниот состав на комисијата, бидејќи тоа ќе влијае на независноста на тоа тело за еднаквост, за кое се препорачува да се зајакне. Менување на сегашните членови, според Венецијанската комисија би представувало политички притисок. Според комисијата, доколку тоа се случи ќе може да се претвори во нова пракса, со која секоја промена на власта ќе значи и промена на членовите на комисијата. На тој начин ова тело за еднаквост ќе ја изгуби смислата на неговото постоење. Во препораките се посочува да се изнајде начин, комисијата да се избира со двотретинско мнозинство, за да може да учествува и опозицијата, со што ќе се направи широк консензус и ќе се зацврсне независноста на комисијата. Во заклучоците на венецијанската комисија од четири најважни точки потенцирано е дека промената на сегашниот состав на комисијата ќе претставува сериозен удар врз независноста на комисијата и дека мора да се најде начин тоа да се избегне, стои во реакцијата и се додава:

„Мислењето на венецијанската комисија е подржано и од Еквинет (тело за еднаквост на ЕУ) со писмо до Министерката за труд и социјална политика и од Европската комисија, која ќе го смета ова како непридржување кон реформите за кои владата треба да се залага“.

Коронавирус