понеделник, 8. март 2021. Вести денес: 205
home Вести

Викендов дожд, од понеделник студено време со снег

Викендов дожд, од понеделник студено време со снег

Од утре до понеделник, претежно во попладневните часови, ќе има врнежи во поголем дел од земјава. Врнежите ќе бидат од дожд, со умерен интензитет и на места, особено во западните делови, ќе бидат пообилни, а во недела некаде и над 25 литри на 24 часа.

Според УХМР, на планините во западните делови ќе врне снег. Во сабота и особено во недела од вечерните часови во планинските западни делови повремен снег ќе има и на повисоките места.

За време на викендот ќе дува и умерен до засилен јужен, а во понеделник западен ветер.

Поради продор на студена воздушна маса од понеделник кон крајот на денот ќе настапи заладување со врнежи кои ќе преминат во снег и на повисоките места. Во ноќта кон вторник ќе има појава на дожд и ќе почне да дува умерен до силен северен ветер. Во вторник ќе биде ветровито, а до крајот на денот врнежите ќе преминат во снег во поголемиот дел од земјата.

Најнови вести

Коронавирус