недела, 17. јануари 2021. Вести денес: 79
home Вести

Вакцините во Македонија ќе можат да се примаат само под еден услов- ова треба да го исполните за да бидете вакцинирани

Вакцините во Македонија ќе можат да се примаат само под еден услов- ова треба да го исполните за да бидете вакцинирани

Правилото за примање вакцина како за сите други вакцини така и за ковид вакцината – се прима во општа добра здравствена состојба, рече денеска д-р Александра Грозданова, претседателка на Комитетот за имунизација при Министерството за здравство на прес-конференција.

Пациенти кои прележале ковид, додава, во зависност од состојбата во која што се наоѓаат и временскиот период секако дека ќе можат, доколку сакаат, да ја примат ковид вакцината, но имајќи предвид дека ќе имаме приоритетна листа ќе треба на некаков начин да се приоретизираат токму тие категории.

Приоритет ќе имаат здравствените работници директно изложени во работа во ковид центрите, микробиолошките лаборатории, оние кои ги тестираат и потоа хронично болните. Од хронично болните ќе се прави приоретизација во зависност од нивната здравствена состојба, најчесто кардиоваскуларните, респираторните и малигните заболувања, а еден од параметрите ќе биде и возраста кај пациентите, односно приоритет ќе се даде на повозрасната група пациенти. Во моментов децата со оваа категорија на вакцини не се опфатени.

-Тоа што сега го гледаме, бидејќи ги добиваме резултатите само од клиничките испитувања, дека веќе после 21 ден од втората доза би можело да се очекува покачување на титарот на заштитни антитела. Кога вистински ќе дојде ќе биде индивидуално, но како за секоја една вакцина, после примање на втората доза, најмлаку во тој период од еден месец би се очекувал заштитниот ефект на вакцината, рече Грозданова.

Вакцината нема да биде задолжителна.

Коронавирус