четврток, 3. декември 2020. Вести денес: 24
home Вести

Утре ќе биде објавена пресудата за Зоран Милески- Кичеец кој призна вина

Утре ќе биде објавена пресудата за Зоран Милески- Кичеец кој призна вина

Пресудата за Зоран Милески- Кичеец ќе биде објавена утре напладне, откако денеска на судењето за случајот „Рекет“ тој призна вина.

По неговото признание, доказите кои се однесуваа на него се издвојуваат од предметот и не се изведуваат пред судот.

-Со оглед дека обвинетиот ја призна вината се докажа дека го сторил делото. Предлагам судот да му изрече казна ценејќи ги сите олеснителни и отежителни околности, рече Русковска, пред да се одлучи за казната.

Неговиот адвокат Александар Новаковски, истакна дека очекува условна казна за неговиот клиент.

-Се соочивме со ситуација во која обвинетиот кој како сведок можел да го избегне обвинението, но може од незнаење, се довел во ситуација да биде обвинет. Од тој момент истиот не бил соработник со обвинителството, иако се шпекулираше. Откако се донесе одлуката за обвинение, првата негова цел беше да каже сето она што го знае, рече Новаковски.

Инаку, Зоран Милевски денеска рече дека го разбрал обвинението, доброволно признал и се чувствува виновен.

Коронавирус