сабота, 5. декември 2020. Вести денес: 0
home Вести

Традиционална семакедонска и погранична средба на македонците во битолско Трново

Традиционална семакедонска и погранична средба на македонците во битолско Трново

Под мотото „Човекови права за сите и против секаква дискриминација и асимилација“, денеска во црквата „Успение на Пресвета Борогородица“ во потпелистерското село Трново ќе се одржи 48. Семакедонска и 39. Погранична средба на македонците од државата и светот.

Според програмата која ќе почне во 10:30 часот, на средбата ќе се обратат претседателот на Матицата на иселениците од Македонија Иван Џо Петрески, претседателот на Сојузот на здруженијата на Македонците и децата бегалци од Егејскиот дел на Македонија и претседател на Здружението на Македонците од Егејскиот дел на Македонија во Битола Александар Јаневски, архимандрит Никодим Царкњас, градоначалникот на општина Пустец, Пале Колефски, пратеникот во Собанието на Република Албанија, Васил Стерјовски и претседателот на Светскиот македонски конгрес, Тодор Петров.

Традиционалниот настан го организираат Матицата на иселениците од Македонија, Здружението на Македонците од Егејскиот дел на Македонија во Битола, Светскиот македонски конгрес и Сојузот на здруженијата на Македонците и децата бегалци од Егејскиот дел на Македонија „Македон“.

Во културно-уметничка програма ќе учествуваат членовите на КУД „Гоце Делчев“ од Битола и македонски естрадни уметници.

Коронавирус