сабота, 6. март 2021. Вести денес: 49
home Вести

Тажна вест: Почина професорката д-р Љубица Тодорова Јанешлиева

Тажна вест: Почина професорката д-р Љубица Тодорова Јанешлиева

Д-р Љубица Тодорова Јанешлиева, познат и угледен научен работник, истражувач, приредувач, преведувач и универзитетски професор, почина вчера.

Родена е 1940 година во Белград. Дипломирала на Универзитетот од Бристол, Велика Британија, магистрирала на Универзитетот во Белград, а докторирала на УКИМ во Скопје. Таа е дел од групата извонредни млади професионални кадри со кои се здобива Катедрата за англиски јазик и книжевност, во 1960-те, а кои ги поставија темелите на современите студии по англиски јазик и книжевност и ги подигнаа на извонредно високо ниво.

Неуморниот истражувачки дух на проф. д-р Љубица Тодорова Јанешлиева е прикажан во објавените околу 80 научни и стручни трудови од областа на англистиката, американистиката и компаративна книжевност (студии, предговори и есеи) во книги, специјални едиции и периодични списанија во земјата и во странство, како и неколку преводи и приредени збирки на македонска и англиска поезија.

Својот работен век го помина на Филолошкиот факултет „Блаже Конески“, УКИМ, како професор по современа англиска и американска книжевност (Модерна англиска поезија, Модерен англиски роман, Британско-македонски културни и книжевни врски, Феминистичка теорија и критика и др.), но и како раководител на катедрата, продекан и декан на факултетот. Предавала и на Универзитетот во Братфорд, Велика Британија и Универзитетот на државата Вашингтон во градот Сиетл, САД.

Последен поздрав со проф. д-р Љубица Тодорова Јанешлиева е закажан за утре, (19.01.2021 година), во капелата на градските гробишта Бутел, од 11.30 до 12 часот.

Најнови вести

Коронавирус