сабота, 16. февруари 2019. Вести денес: 66
home Вести

Сведоштво на родител на починатото едногодишно дете: Откако се заканивме дека ќе викнеме камери лекарите изреагираа

Сведоштво на родител на починатото едногодишно дете: Откако се заканивме дека ќе викнеме камери лекарите изреагираа

Во средата отидовме на Инфективна клиника околу пладне. Детето беше изнемоштено, рекоа дека се морбили, а јас им кажав за болеста на детето го лечевме во Белград, сведочи родител на 13 месечното бебе што почина викендов.

-Се им кажав за болеста на детето, а тие не пратија на Детска клиника на пулмологија. И оттука почнува префрлањето од Детска велат одете на Инфективна, тие пак не пратија на детска, вели родителот.

Родителот, како што посочува, прво почнале да го префрлаат проблемот, а второ не сакале да преземат одговорност

-Изгубив точно 6 саати додека го примат. Дури после 18 часот и толку шетање детето немаше примено никаква терапија, потоа му дадоа само парацетамол. Детето и потоа немаше примено антибиотик. Ние како родители алармиравме, а лекарите префрлаа од еден на друг, даваа некои површни објаснувања, вели родителот.

Реакцијата на вработените, како што сведочи родителот ја виделе дури откако се заканиле дека ќе викнат медиуми и камери.

-Зарем е нормално за нега на дете да молат родителите и да им се закануваат на вработените за да изреагираат, посочува родителот.