вторник, 25. февруари 2020. Вести денес: 47
home Вести

Средба на претседателот Пендаровски со унгарскиот амбасадор Дукс

Средба на претседателот Пендаровски со унгарскиот амбасадор Дукс

Билатералните односи, актуелните состојби во регионот и аспирациите на земјава за членство во ЕУ и НАТО, беа темите на кои денеска разговараа претседателот Стево Пендаровски и амбасадорот на Унгарија, Ласло Иштван Дукс.

Претседателот Пендаровски, како што соопшти неговиот Кабинет, на средбата истакна дека Република Македонија високо ја цени поддршката од Унгарија за добивање датум за почеток на пристапните преговори со Европската Унија и поддршката за членство во НАТО. Во тој контекст, изрази задоволство од ратификацијата на протоколот за членство на Република Македонија во НАТО од страна на Националното собрание на Унгарија.

Амбасадорот Дукс на претседателот Пендаровски му упати честитки по повод стапувањето на функцијата и му посака успех во вршењето на должноста.