четврток, 21. октомври 2021. Вести денес: 0
home Вести

СПМ: Обидот на Каракачанов е со цел да се сокријат коруптивните афери и скандали на власта

СПМ: Обидот на Каракачанов е со цел да се сокријат коруптивните афери и скандали на власта

Во целосна немоќ бугарскиот вицепремиер Красимир Каракачанов сиот гнев се обиде преку фб пост да го истури врз опозицијата во Република Македонија, како единствена која ги брани националните интереси на македонската држава и која застана во заштита на Македонците во соседните држави, реагират преку соопштение од СПМ.

Обидот да се инсинуираат лица од македонската опозиција, вклучувајќи го и претседателот на СПМ, дека се бугарски граѓани само уште еднаш го покажа моралниот капацитет на овој човек која редовно се служи со невистини и користи груби лаги.

Можеби е подобро тој Бугари да побара меѓу неговите овдешни пријатели и оние кои неговите политики ги премолчуваат или ги поддржуваат.

Социјалистичката партија на Македонија не очекува никаква реакција од оваа Влада затоа што веројатно токму таа е инспираторот на фабрикувањето невистини и промотор на лажните вести со кои се цели да се сокријат коруптивните афери и скандали, кои секојдневно се случуваат пред очите на македонската јавност, се вели во соопштението на СПМ.

Најнови вести

Локални избори 2021