Во Скопје ќе преовладува сончево време со мала до умерена облачност и претежно тивко. Минималните температури ќе се спуштат до нула, а максималните ќе достигнат до 17 степени.
До сабота ќе се задржи стабилно и суво време со услови за појава на утринска магла по одделни котлини. Од недела под влијание на влажен бран, времето ќе биде променливо облачно со повремени врнежи од дожд кои наместа ќе бидат пообилни. Температурите ќе се задржат над просекот за овој период од годината.