среда, 19. јануари 2022. Вести денес: 0
home Вести

Софија бара Албанија да биде одделена од Македонија за ЕУ

Софија бара Албанија да биде одделена од Македонија за ЕУ

Ништо ново од Бугарија.

Софија бара Албанија да биде одвоена од Македонија во патот на двете земји кон ЕУ. Службената влада ја усвоила позицијата на Бугарија за состанокот на Советот за општи работи на 14 декември, два дена пред самитот на европските лидери, според која нема промена на ставот – повторно ќе стави блокада за Македонија за преговарачка рамка со ЕУ.

„Бугарија ќе се придржува до Декларацијата на Националното собрание од 10 октомври 2019 година во врска со проширувањето на ЕУ и процесот за стабилизација и асоцијација на Република Северна Македонија и Република Албанија, како и на Рамковниот став за европската перспектива на Република Северна Македонија и Албанија, усвоена од Советот на министри на 9 октомври 2019 година и поддржана со декларацијата на Националното собрание од 10 октомври 2019 година“, објавија од владината прес-служба.

Истовремено, Софија верува дека Албанија е подготвена да започне преговори за членство. Но двете земји во моментов се движат во пакет кон ЕУ.

„За Бугарија, основниот принцип на сопствените заслуги на секој кандидат останува одлучувачки. Бугарија смета дека Албанија е подготвена да напредува на патот кон ЕУ и е подготвена да го поддржи усвојувањето на преговарачката рамка за земјата и одржувањето на првата меѓувладина конференција“, велат од владата.

Бугарија бара Македонија да ги исполни нејзините барања, но е под силен притисок од САД, Европската комисија и некои европски земји да ја одобри преговарачката рамка на Скопје. Дали тоа ќе се случи целосно е нејасно. Но факт е дека заедно со блокадата на македонија таа ја блокира и Албанија, затоа што огромен број членки на ЕУ се против делењето на македонија и Албанија.

Во моментов двете држави работат на нов документ со со 5+1 точки со кој треба да обезбеди имплементација на Договорот за добрососедство од 2017 година.

Коронавирус