сабота, 4. јули 2020. Вести денес: 29
МЕГА БОМБА

Нова аудио бомба: Што мисли Заев за Црвенковски и колку е Заев богат?

home Вести

Со образложение на жалбите продолжи јавна расправа пред Апелација за пресудите за „27 април“

Со образложение на жалбите продолжи јавна расправа пред Апелација за пресудите за „27 април“

Обвинетите за упадот во Собранието на 27 април 2017 година и нивните адвокати денеска на вториот ден од тридневната јавна расправа пред Апелацискиот суд во Скопје, продолжија со образложение на поднесените жалби за пресудите по предметот.

Меѓу 16-те обвинети кои со првостепената пресуда од март минатата година беа осудени на вкупно 211 години затвор за кривичното дело „терористичко загрозување на државниот поредок” се поранешниот директор на Бирото за јавна безбеднист, Митко Чавков, припадници на МВР и Агенцијата за разузнавање.

Обвинителството, пак, има жалба за ослободителната пресуда за Игор Дурловски.

Бранителот на Чавков, адвокат Сашко Дуковски, на денешната јавна седница рече дека случајот е неодржлив, бидејќи во сред постапка имало амнестија на дел од првично обвинетите, како и дека за истиот настан веќе имало друг случај што бил побрзо процесиран и каде обвинетите поминале со бенигно обвинение.

На почетокот обвинетиот Александар Василевски Нинџа го извести Судот дека, денеска додека бил спроведуван од затвор, бил вербално нападнат од лица кои биле во придружба на ќерката на Митко Чавков.

– Лица кои беа во придружба на сопругата и на ќерката на Митко Чавков ми се закануваа денеска додека бев спроведуван во Судот. Чавков директно ми се закани и на денот на изрекување на пресудата, изјави Нинџа.

Судот, на тоа укажа дека, затворските служби кои го вршеле спроводот, требало да направат записник.

Парламентарни избори 2020