понеделник, 30. ноември 2020. Вести денес: 11
home Вести

Скопската математика е различна од тетовската: Касами го губи Тетово, поради Заев му замина најважниот локален лидер

Скопската математика е различна од тетовската: Касами го губи Тетово, поради Заев му замина најважниот локален лидер

Претседателот на локалниот огранок на БЕСА од Тетово, професорот Газменд Алиу, си поднесе неотповиклива оставка од позицијата поради непринципиелност на партиското раководство и лидерот на партијата Билал Касами.

Алиу во БЕСА е од основањето во 2014 година и важи за еден од највлијателните членови на партијата.

Без негова помош БЕСА во изборната единица 6 може да претрпи дебакл, коментира активист што бил дел од ДПА а сега е со Алијансата на Албанците.

Алиу преку фејсбук им се заблагодари на членовите на огранокот за активностите, придонесот и поддршката што ја дале во текот на годините во движењето БЕСА, упатувајќи порака до Касами да му е „арам”.

„Арам да ви е мојот придонес и придонесот на сите активисти даден во овие 5 години“ – напиша Алиу на неговиот ФБ профил.

Според порталот на албански јазик „Њуз33“, ова е последица на коалицијата БЕСА-СДСМ, како и непочитување на насоките од членството кои биле против ваквата коалиција.

Коронавирус