среда, 22. август 2018. Вести денес: 0
home Вести

Скопје: Санкционирани 65 возачи за брзо возење, 12 биле под дејство на алкохол, 13 користеле мобилен

Скопје: Санкционирани 65 возачи за брзо возење, 12 биле под дејство на алкохол, 13 користеле мобилен

Во текот на изминатите 24 часа на подрачјето на Скопје побрзо од дозволената брзина возеле 65 возачи, а 12 биле под дејство на алкохол. Тринаесет возачи користеле мобилен телефон додека возеле.

Билтенот на СВР Скопје покажува дека се случиле вкупно осум сообраќајки од кои четири со повредени лица и четири со материјална штета. Полесно повредени биле шест лица.

Од сообраќај се исклучени 13 возачи кои возеле пред да се стекнат со правото за управување со возило и четворица возачи почетници. Со истечена сообраќајна дозвола биле 20 возачи, а едно возило било неисправно.

Пет возачи поминале на црвено светло, а двајца не им дале првенство на минување на пешаци на обележан пешачки премин.

Непрописно паркирани возила биле 104, а со специјалното возило „пајак“ подигнати се 61 возило.

Кај пешаците, осум поминале надвор од пешачки премин, а шест поминале улица на црвено светло.