четврток, 27. јуни 2019. Вести денес: 20
home Вести

СКАНДАЛ: Германците ја оценија со нула економската политика на владата на Заев!

СКАНДАЛ: Германците ја оценија со нула економската политика на владата на Заев!

Германските бизнисмени во земјава ја оценија со нула македонската влада! Германците сметаат дека владата дала приоритет на надворешната политика, но го изгубила фокусот во економијата.

Лоши оценки добија и владините даночни реформи, немањето инвестиции во образованието, недоволноста од стручен кадар, како и борбата против корупцијата која е поврзана и со тендери кои немаат смисла, но и честите промени на законите кои кај бизнис заедницата создаваат правна несигурност.

Ова го објасни г-н Патрик Мартенс, директор на здружението на германски стопанственици во Македонија.

Германските бизнисмени ги испорачаа оценките во последната анкета за деловната клима во 2018 и 2019 година спореведена во февруари годинава. Највисоки оценки, германските бизнисмени дале за работната сила која е подготвена да работи и да ја подобри продуктивноста, како и трошоците кои ги имаат за трудот иако се зголемени даноците поврзани со тоа. Според германските инвеститори, економската состојба лани во земјава била мошне неповолна.

Вкупно 56% од компаниите ја оцениле како лоша, 39% како задоволителна, а за пет отсто била добра.

Во Македонија работат 201 компанија со германски капитал кои вработуваат околу 20.000 луѓе, а најпознати инвеститори се Дрекслер Маер и Кронберг-Шуберт, кои инвестираа во мандатот на владата на Груевски.

Трговската размена со Германија лани изнесувала 3,64 милијарди евра.